ឥណទានវិបារូបន៍ (Overdraft)
សេចក្ដីផ្ដើម
ឥណទានវិបារូបន៍ (Overdraft) គឺជាសេវាឥណទានមានការធានា ដែលត្រូវបានប្រើសម្រាប់ប្រតិបត្តិការអាជីវកម្មប្រចាំថ្ងៃរបស់អ្នក។
លក្ខណៈពិសេស
- លក្ខខណ្ឌទូទាត់សងមិនមានកាលកំណត់ ប៉ុន្តែរយៈពេលកម្ចីត្រូវតិចជាង 1 ឆ្នាំ។
- ទូទាត់ការប្រាក់ទៅតាមចំនួនដែលប្រើប្រាស់
- ប្រតិបត្តិការជាលក្ខណៈទុនបង្វិល
អ្នកដែលមានសិទ្ធិស្នើសុំ
គ្រប់អង្គភាពអាជីវកម្មទាំងអស់ដែលបានចុះបញ្ជីនៅក្នុងប្រទេសកម្ពុជា រាប់បញ្ចូលទាំង សហគ្រាស ឯកបុគ្គល ក្រុមហ៊ុនសហកម្មសិទ្ធិ ក្រុមហ៊ុនឯកជនទទួលខុសត្រូវមានកម្រិត និងក្រុមហ៊ុនមហាជនទទួលខុសត្រូវមានកម្រិត។
ឯកសារដែលចាំបាច់
- ទម្រង់ស្នើសុំសេវាធនាគារ (អាចស្នើសុំពីធនាគារបាន)
- ប្រវត្តិក្រុមហ៊ុន និងអាជីវកម្ម
- វិញ្ញាបនបត្របញ្ជាក់ការចុះឈ្មោះក្នុងបញ្ជីពាណិជ្ជកម្ម (ប្រសិនបើមាន)
- លក្ខន្តិកៈក្រុមហ៊ុន និងសេចក្ដីសម្រេចរបស់នាយក
- របាយការណ៍ហិរញ្ញវត្ថុដែលបានធ្វើសវនកម្មរួចសម្រាប់រយៈពេល 3 ឆ្នាំចុងក្រោយ និងរបាយការណ៍ហិរញ្ញវត្ថុចុងក្រោយបំផុត
- ព័ត៌មានលម្អិតអំពីទ្រព្យសកម្មដែលដាក់បញ្ចាំ និង/ឬអំពីអ្នកធានា
- ឯកសារពាក់ព័ន្ធផ្សេងទៀតដែលធនាគារអាចនឹងតម្រូវទៅតាមកាលៈទេសៈជាក់លាក់ណាមួយ។
នីតិវិធីស្នើសុំ
ដើម្បីស្នើសុំឥណទានវិបារូបន៍ សូមទាក់ទងមកកាន់ផ្នែកសេវាធនាគារក្រុមហ៊ុន (023988886)