ប្រាក់កម្ចីទ្រព្យសកម្មរយៈពេលវែង
សេចក្ដីផ្ដើម
សំដៅលើករណីដែលធនាគារផ្ដល់ប្រាក់កម្ចីសម្រាប់យកទៅប្រើជាការវិនិយោគទៅលើទ្រព្យសកម្ម រយៈពេលវែងទៅតាមលក្ខខណ្ឌតម្រូវពីអតិថិជន។ សកម្មភាពវិនិយោគលើទ្រព្យសកម្មរយៈ ពេលវែងរួមមាន ការទិញ ឬការសាងសង់ឃ្លាំង ការិយាល័យ រោងចក្រ និងហាងទំនិញ ជាដើម ហើយក្នុងនោះក៏រាប់បញ្ចូលទាំងការទិញសម្ភារបរិក្ខារផងដែរ។ រយៈពេលកម្ចី ជាទូទៅ រួមមាន
រយៈពេលមធ្យម (មួយឆ្នាំដល់ប្រាំឆ្នាំ) និងរយៈពេលវែង (រហូតដល់ 10 ឆ្នាំ) ហើយប្រាក់កម្ចីនេះអនុវត្តការបង់រំលោះថេរ ឬអត្រាការប្រាក់បណ្ដែត។
លក្ខណៈពិសេស
រយៈពេលប្រាក់កម្ចី ជាធម្មតាមានរយៈពេលវែង។ នៅពេលដកប្រាក់កម្ចីហើយ សមតុល្យនឹងថយចុះតាមរយៈការបង់រំលោះប្រចាំខែ ត្រីមាស ឬឆមាស ដើម្បីកុំឱ្យអ្នកខ្ចីរងសម្ពាធខ្លាំង។
អ្នកដែលមានសិទ្ធិស្នើសុំ
គ្រប់អង្គភាពអាជីវកម្មទាំងអស់ដែលបានចុះបញ្ជីនៅក្នុងប្រទេសកម្ពុជា រាប់បញ្ចូលទាំង សហគ្រាស ឯកបុគ្គល ក្រុមហ៊ុនសហកម្មសិទ្ធិ ក្រុមហ៊ុនឯកជនទទួលខុសត្រូវមានកម្រិត និងក្រុមហ៊ុនមហាជនទទួលខុសត្រូវមានកម្រិត។
ឯកសារដែលចាំបាច់
- បែបបទស្នើសុំសេវាធនាគារ (អាចសុំពីធនាគារបាន)
- ប្រវត្តិក្រុមហ៊ុន និងអាជីវកម្ម
- វិញ្ញាបនបត្របញ្ជាក់ការចុះឈ្មោះក្នុងបញ្ជីពាណិជ្ជកម្ម (ប្រសិនបើមាន)
- លក្ខន្តិកៈក្រុមហ៊ុន និងសេចក្ដីសម្រេចរបស់អភិបាល
- របាយការណ៍ហិរញ្ញវត្ថុដែលបានធ្វើសវនកម្មរួចសម្រាប់រយៈពេល 3 ឆ្នាំចុងក្រោយ និងរបាយការណ៍ហិរញ្ញវត្ថុចុងក្រោយបំផុត
- ព័ត៌មានលម្អិតអំពីទ្រព្យសកម្មដែលដាក់បញ្ចាំ និង/ឬ អំពីអ្នកធានា
- ឯកសារពាក់ព័ន្ធផ្សេងទៀត ដែលធនាគារអាចនឹងតម្រូវទៅតាមកាលៈទេសៈជាក់លាក់ណាមួយ។
នីតិវិធីស្នើសុំ
ដើម្បីស្នើសុំប្រាក់កម្ចីទ្រព្យសកម្មរយៈពេលវែង សូមទាក់ទងមកកាន់ផ្នែកសេវាធនាគារក្រុមហ៊ុន (023988886)
